"Мая сям'я ведае беларускую мову"

Тыдзень роднай мовы ў гімназіі завяршыўся інтэлектуальным спаборніцтвам - Сваёй гульнёй "Мая сям'я ведае беларускую мову". Каманды (вучань і хтосьці з яго бацькоў) паказалі свае веды ў розных галінах мовазнаўства: "Знаёмыя арфаграмы", "Лексічнае значэнне слова", "Націск у словах". Найбольш цікавымі для ўсіх сталі пытанні ў намінацыях "Свет фразеалогіі" і  "Перакладчыкі". З агульнай колькасцю 420 балаў перамогу атрымала сям'я Мурыных, на другім месцы - сям'я Моська і на трэцім - сям'я Навумчык. Але дыпломы, падзякі, невялікія сувеніры былі ўручаны кожнай  камандзе. А ўдзельніку-вучню -  яшчэ і незвычайны сертыфікат на права атрымання адзнакі "10" па беларускай мове. Гульня спрыяла папулярызацыі ведаў па беларускай мове, садзейнічала выхаванню цікавасці да прадмета, да роднай мовы, яшчэ мацней аб'яднала дзяцей, бацькоў і настаўнікаў.